Blood Sugar: உடலில் உயர் இரத்த சர்க்கரை அளவு இரத்த நாளங்களை சேதப்படுத்தும். இரத்த ஓட்டத்தில் குளுக்கோஸ் அதிகமாக இருக்கும்போது இரத்தத்தில் சர்க்கரையின் அதிகரிக்கும் அல்லது ஹைப்பர் கிளைசீமியா ஏற்படும். இந்த நிலை வரும்போது உடலில் போதிய இன்சுலின் / உடலின் இன்சுலின் உற்பத்தி பாதிக்கப்படும்.
இரத்த சர்க்கரை அளவை குறைக்க 7 வழிகள்
இன்சுலின் திறம்பட பயன்படுத்த இயலாமையால் உடலில் பாதிப்பு ஏற்படும். பொதுவாக நீரிழிவு நோயுடன் நேரடி தொடர்புடைய ஹைப்பர் கிளைசீமியாவானது: நீண்ட காலத்திற்கு சிகிச்சையளிக்கப்படாவிட்டால் நரம்புகள், இரத்த நாளங்கள், திசுக்கள் போன்றவற்றிக்கு மட்டுமல்லாமல் உடலின் மற்ற உறுப்புகளுக்கும் சேதம் விளைவிக்கும்.
உங்கள் உடலில் இரத்த சர்க்கரை அளவை நார்மலாக வைத்து கொள்வதற்கான 7 வழிமுறைகள் பற்றி இங்கு காண்போம்.
1. நீரிழப்பு - வறச்சி
உடலின் இரத்த சர்க்கரை அளவை கட்டுப்படுத்துவதில் நீர் மிகவும் இன்றியமையாத ஒன்று. நீரிழப்பு அதிக இரத்த சர்க்கரை ஏற்படுத்தும். ஏனெனில் நாம் சிறுநீர் கழிப்பதைக் குறைப்பதன் மூலம் உடலில் சிறுநீர் தாங்கும். அது மீண்டும் ரத்தத்துடன் கலக்க வாய்ப்புள்ளது. இதை ரிவர்ஸ் ஆஸ்மாசிஸ் என்கிறார்கள்.
இங்கு சிறுநீர் மட்டும் இல்லை அதில் உள்ள தீங்கு விளைவிக்கும் பாக்டிரியா போன்ற நுண்ணுயிர்கள் மீண்டும் உடலில் உள்ள ரத்தத்தில் கலந்தால் அது தீவிர நோயை உண்டாக்கும். இங்கு நீங்கள் வறச்சியில் நீர் அருந்தாத போது, உங்கள் சிறுநீரகங்கள் சிறுநீரின் மூலம் குறைவான தண்ணீரை மட்டும் வெளியேற்றும்.
இதன் விளைவாக, சர்க்கரை உங்கள் உடலிலிருந்து திறம்பட வெளியேற்றப்படாது. இது இரத்த சர்க்கரை அளவை அதிகரிக்கச் செய்யும். இதைத் தடுக்க, நீங்கள் நாள் முழுவதும் போதுமான அளவு தண்ணிரை தினமும் குடிக்க வேண்டும்.
தினமும் குறைந்தது 8 முதல் 10 கப் தண்ணீரைக் குடிக்க வேண்டும் என வல்லுநர்கள் கூறுகின்றனர்.
2. இரவு நேர சிற்றுண்டி - Dinner
இரத்த சர்க்கரை அளவை பொறுத்தவரை இரவு நேர சிற்றுண்டி முக்கியமான நாம் கருத்தில் கொள்ளவேண்டிய ஒரு விஷயம். இது இரத்த சர்க்கரை அளவை கட்டுப்படுத்துவதை கடினமாக்கும். உறங்கும் வேளையில் அதிக கார்போ ஹைட்ரேட் / சர்க்கரை அதிகம் உள்ள உணவுகளை எடுத்துக்கொள்வது இரத்தத்தில் சர்க்கரையின் அளவை அதிகரிக்க செய்யும்.
குறிப்பாக நீங்கள் உடல் செயல்பாடுகளில் ஈடுபடவில்லை என்றால். இரவில் உடலின் வளர்சிதை மாற்றம் குறைகிறது, இதனால் இரத்த சர்க்கரையை திறம்பட கட்டுப்படுத்துவது கடினமாகிறது. இரவில் இரத்தத்தில் சர்க்கரை அதிகரிப்பதைத் தடுக்க, படுக்கைக்கு முன் கனமான அல்லது சர்க்கரை தின்பண்டங்களை சாப்பிடுவதைத் தவிர்க்கவும்.
நீங்கள் பசியாக உணர்ந்தால், இரத்தச் சர்க்கரைக் கணிசமான அதிகரிப்பை ஏற்படுத்தாத லேசான, புரதம் நிறைந்த உணவுகளை இரவில் உட்கொள்ளலாம்.
3. காஃபின் நிறைந்த உணவுகளை குறைக்கவும்
காபி / காஃபினேட்டட் பானங்கள் (soft drinks) உங்கள் உடலின் இரத்த சர்க்கரை அளவை பாதிக்கும். எடுத்துக்காடாக காபியை அதிகமாக எடுத்துக்கொண்டால் காபியில் உள்ள காஃபின் என்னும் வேதிப்பொருள் இன்சுலின் உணர்திறனை பாதிக்கும்.
இது உங்கள் இரத்த சர்க்கரை அளவை கட்டுப்படுத்தும் திறனுக்கு மிகவும் சவாலாக இருக்கும். கூடுதலாக, காபி மற்றும் எனர்ஜி பானங்கள் பொதுவாக அதிக அளவு சர்க்கரையை உடையவை. எனவே, இவற்றை அதிக அளவு எடுப்பதை தவிர்க்கலாம்.
ஓட்டப்பந்தய வீரர்கள் தங்கள் ஓடும்போது உடலின் ரத்தத்தில் உள்ள சர்க்கரை எனர்ஜியாக மாறிவிடும். அப்போது உடலின் சர்க்கரை அளவு குறைவதால் அவர்களுக்கு எனர்ஜி டிரிங்க்ஸ் கொடுக்கப்படுவது வழக்கம். எனவே தேவை இல்லாத நேரத்தில் இதுபோன்ற பானங்களை உட்கொள்வது உடல்நலத்துக்கு கேடு விளைவிக்கும்.
நீங்கள் அதிக காபி குடிப்பவராக இருந்தால், காஃபின் உட்கொள்ளும் அளவை குறைத்து கொள்ளலாம். அதற்கு பதிலாக மூலிகை தேநீர் அல்லது தண்ணீரை அருந்தலாம்.
4. சர்க்கரை இல்லாத உணவுகளை தேர்வு செய்யுங்கள்
உடலுக்கு சர்க்கரை இன்றியமையாத சத்து. இது உடலுக்கு எனெர்ஜியை தருகிறது. நாம் உட்கொள்ளும் அனைத்து வகையான உணவிலும் இது நிச்சயமாக இருக்கும். ஆனால் இதன் அளவு வேறுபடலாம்.
"சர்க்கரை இல்லாதது" என்று பெயரிடப்பட்ட உணவுகளில் எச்சரிக்கையாக இருப்பது அவசியம். அவை இரத்த சர்க்கரையை பராமரிப்பதில் ஒரு நல்ல வாய்ப்பாகத் தோன்றும். இதில் பல வகையான செயற்கை இனிப்புகள் / சர்க்கரை ஆல்கஹால்களைக் கொண்டிருக்கும்.
அவை இன்னும் உங்கள் இரத்த சர்க்கரை அளவை தீவிரமாக்கும் / பாதிப்பை ஏற்படுத்தும். இதுபோன்ற சில இனிப்புகள் சர்க்கரையைப் போலவே இன்சுலின் சுரப்பதில் பாதிப்பை ஏற்படுத்தலாம். எனவே, எப்போதும் பொருளில் தரவுகளை படிக்கவும்.
பாட்டில்களில் ஒட்டப்பட்டிருக்கும் லேபிள்களைப் படித்து, சர்க்கரை இல்லாத உணவுகளில் மறைந்திருக்கும் சர்க்கரை அளவு குறித்து எச்சரிக்கையாக இருங்கள்.
உங்கள் இரத்தத்தில் உள்ள சர்க்கரையின் அளவைக் நிர்வகிக்க, பதப்படுத்தப்படாத உணவுகளைத் தேர்வு செய்யலாம்.
5. நகரா வாழ்க்கை முறை
வழக்கமான உடல் செயல்பாடு இல்லாத ஒரு உட்கார்ந்த அல்லது நகராத வாழ்க்கை முறையை இன்று நாம் வாழ்ந்து கொண்டிருக்கிறோம். இவை உங்களின் இரத்த சர்க்கரை அளவை கணிசமாக பாதிக்கும்.
உடற்பயிற்சி உங்கள் உடலில் உள்ள இன்சுலினை மிகவும் திறமையாக பயன்படுத்த உதவுகிறது. இது இரத்த சர்க்கரையை சிறப்பாக கட்டுப்படுத்த உதவும். உடல் செயல்பாடு இல்லாமை இன்சுலின் அளவை அதிகரிக்கும்.
இதை எதிர்த்துப் போராட, வழக்கமாக வாரத்திற்கு குறைந்தது 150 நிமிட மிதமான - தீவிர செயல்பாடுகளை செய்வதை இலக்காக வைத்து உடற்பயிற்சி மேற்கொள்ள வேண்டும்.
நீங்கள் விறுவிறுப்பான நடைபயிற்சி, சைக்கிள் ஓட்டுதல் / நீச்சல் செய்தல் ஆகியவை சிறந்த பலனை அளிக்கும்.
6. இரத்தத்தின் சர்க்கரை அளவைக் கட்டுப்படுத்துதல்
இந்த அளவை கட்டுப்படுத்த, உங்கள் அன்றாட வாழ்க்கையில் சில மாற்றங்களைச் நிச்சயமாக மேற்கொள்வது அவசியம்.
குறிப்பாக முழு தானியங்கள், புரதங்கள் குறைந்த உணவுகள், ஆரோக்கியமான கொழுப்புகள், பல்வேறு பழங்கள் & காய்கறிகள் உணவில் சேர்த்து கொள்ளலாம்.
உடற்பயிற்சி தவிர ஆழ்ந்த சுவாசம், தியானம் / யோகா போன்ற மன அழுத்தத்தைக் குறைக்கும் பயிற்சிகளை மேற்கொள்ளலாம்.
நாள் பட்ட மன அழுத்தம் உடலின் இரத்த சர்க்கரை அளவை பாதிக்கும், எனவே மன அழுத்தத்தை நிர்வகிப்பது மிகவும் அவசியமான ஒன்று.
மருத்துவ வழிகாட்டுதல்: இவை எல்லா தகவல்களுக்கும் மேலானது. உங்கள் இரத்த சர்க்கரை அளவை திறம்பட நிர்வகிக்க வல்லுனர்களின் ஆலோசனை மற்றும் வழிகாட்டுதல்கள் அவசியம். அந்த வகையில் மருத்துவர் அல்லது பதிவுசெய்யப்பட்ட உணவியல் நிபுணர் போன்ற சுகாதார நிபுணரை அணுகலாம்.
7. வாழ்க்கை முறை
நமது வாழக்கை முறை 50 ஆண்டுகளுக்கு முன் இருந்தார்ப் போல் இன்று இல்லை. அவரவர் தம் தொழிலுக்கு ஏற்ப உணவுகள் உண்ட காலங்கள் கடந்துவிட்டன. நேரத்திற்கு சரியான உணவும் சத்துள்ள உணவும் இன்று சாப்பிட நேரமில்லை. துரித உணவுகளை எடுத்துக்கொள்கிறோம். இரவு சரியாக தூங்குவது இல்லை நேரத்திற்கு சாப்பிடுவதும் இல்லை. அதிக நேரம் மொபைல் பயன்படுத்திவிட்டு உறங்க நேரத்தை தவறவிடுகிறோம்.
காலையில் எழுந்ததும் 100 ல் 10 பேர் கூட சரியாக உடற்பயிற்சி செய்வதில்லை. பணத்திற்காக ஓடும் நாம் சற்று உடல் நலனுக்காகவும் ஓடலாம். குறைந்தது நடைப்பயிற்சியாவது மேற்கொள்ளலாம்.
நம்மால் தற்போது 50 வருடங்களுக்கு முன்னால் வாழ்ந்த வழ்க்கை முறையை வாழ முடியாவிட்டாலும் குறைந்தது வாழ முயற்சிக்கலாம். இதனால் நம் உடலும் உள்ளமும் தூய்மைபெறும்.